Thanks to LyoniaMariana for the upload
Talagang naging sikat na artista si Herbert Bautista noong 80's. Sa dami ba naman ng pelikulang kanyang pinagbidahan at ginanapan ay naging isang household name ang kanyang pangalan. Ayon na rin sa kanya, nang matapos nilang gawin ang Bagets ay naramdaman niyang mag-iiba na raw ang takbo ng kanyang buhay. Tunay ngang nag-iba ang buhay ni Herbert. Mula sa pagiging isang anak ng isang batikang direktor (Butch Bautista), naging isang sikat na teen star siya. Ilan sa kanyang mga nakapareha ay si Lea Salonga na ngayo'y isa na ring sikat na broadway performer. Sa pelikulang Captain Barbel nakasama niya ang ilan pa sa mga bigating stars noon na sina Edu Manzano, Sharon Cuneta, Nova Villa, Tonton Gutierrez, Dina Bonnevie at marami pang iba. 
Siya ang simpleng si Tengteng na umiibig kay Rose (Lea Salonga) na pamangkin ng may-ari ng karinderyang si Aling Tinay (Nova Villa). Pinsan ni Rose dito si Yoyong (Dennis Da Silva). Ang maestro naman ni Tengteng na siyang nagkaloob sa kanya ng mahiwagang barbel ay si Leroy Salvador, ang ama ni Joebel Salvador na siyang nakapareha ni Herbert sa Bagets. Ngayon isa nang pulitiko si Herbert Bautista. Matagal din siyang nagsilbing Vice Mayor ng Quezon City. Madalas pa rin itong naipapalabas sa mga cable tv tulad ng PBO at CinemaOne. Talagang hindi malilimutan ng sinumang bata ang pelikulang ito.
***No Copyright Infringement Intended***
Ping your blog
No comments:
Post a Comment