link: click
Bagets 1,
Bagets 2 to watch
Ang Bagets, ang parang "Breakfast Club" ng Pilipinas. Sa pelikulang ito isinilang ang ilan sa mga bigating stars noong dekada otsenta. Sino nga ba ang hindi makakarelate sa mga kabataang dumadaan sa adolescence, first love, first heartbreak, family issues at siyempre mga pangarap na nais matupad.
Nag-umpisa ang kwentong ito sa Bagets, ang unang installment ng movie, kung saan bida ang limang kabataan na sina Adie (Aga), Tonton (William), Tofee (JC Bonnin), Arnel (Raymond Lauchenco) at Gilbert (Herbert Bautista). Ang setting ay habang sila ay nasa highschool. Dahil may kanya-kanyang kakulitan sina Adie, Arnel, Gilbert at Toffee, na-kickout sila sa kanilang eskwela sa kanilang ikatlong taon. Buti na lang at nailipat sila sa isang eskwelahan na tumatanggap ng estudyante kahit nasa 4th year na. Ito ay sa tulong ng nanay ni tonton (pinsan ni Toffee).
Nagkaroon ng pananalamin sa totoong buhay sa pamamagitan ng mga kani-kaniyang problema ng bawat karakter sa pelikula. Si Tonton ay umibig kay Rose (Yayo Aguila) ngunit dahil sa kayabangan ay pumanaw ang kasintahan, resulta ng pakikipagkarera ng kotse. Si Adie naman ay umibig kay Ivy (Baby Delgado), isang sorority sister ng nanay niya (Celia Rodriguez)noong nasa college. Nakaranas din ng unang pag-ibig si Toffee kay Christine, isang flight attendant na di hamak na matanda kaysa sa kanya. At si Gilbert naman ay lubhang naapektuhan sa inaasal ng kanyang ama (Herminio "Butch" Bautista, ang tatay ni Herbert sa totoong buhay) na mas pinipili pang gamitin ang pera sa pagpunta sa mga massage parlors kaysa ibigay para sa pamilya. Dito ay love interest ni Gilbert si Melissa (Joebel Salvador) na sinagot siya noong graduation ngunit umalis din patungong Davao dahil doon na-aassign ang erpats nya. Si Arnel naman,ang pinakamayaman sa barkada at anak ng isang sosyal na ina (Rose Marie Gil), ay nahirapan sa kanyang relasyon kay Janice (Eula Valdez) na may pagka-iskwater at "cheap".
Sinundan naman ito ng Bagets 2, kung saan ang limang bidang binata ay nakakilala pa ng iba pang kaibigan habang bakasyon. Dahil nga sa sinapit ng unang pag-ibig ni Tonton kay Rose, sinabi nitong kailangang gugulin nila ang kanilang buhay sa mas makabuluhang bagay. Kaya naman ng bakasyon nila ay naghanap sila ng trabaho. Dito nila nakilala si Ponce (Francis M) aka Pawnshop na di sinasadyang nagkagusto rin kay Glenda na na halos matagal na ring pinopormahan ni Gilbert. Si Toffee naman ay nakahanap ng seryosong pag-ibig kay Emerie, isang probinsyanang nangangarap maging isang Sharon Cuneta, na inakala naman niyang sinusulot ni Micky (Ramon Christopher). Si Gilbert naman ay nakatagpo ng puppy love kay Ruth (Cheska Inigo), ang balikbayang pinsan ni Toffee. Interesting din ang character ni Wally (Jonjon Hernandez), pinsan ni Gilbert na isang semenarista ngunit nagdadalwang isip sa kanyang pagpapari. Talagang riot ang second installment ng Bagets dahil sa mga love triangles and not to mention ang pagtangkang pagpikot kay Tonton ng isang probinsyana.
Talagang masaya ang pelikulang ito. Pinanood, di lamang ng mga kabataan, ngunit ng mga magulang rin noong 80's.
***No copyrights infringement intended***
Related Article from other Blogs:
The Swank Style: Yellow Wristbands, orange Chucks
Talagang naging sikat na artista si Herbert Bautista noong 80's. Sa dami ba naman ng pelikulang kanyang pinagbidahan at ginanapan ay naging isang household name ang kanyang pangalan. Ayon na rin sa kanya, nang matapos nilang gawin ang Bagets ay naramdaman niyang mag-iiba na raw ang takbo ng kanyang buhay. Tunay ngang nag-iba ang buhay ni Herbert. Mula sa pagiging isang anak ng isang batikang direktor (Butch Bautista), naging isang sikat na teen star siya. Ilan sa kanyang mga nakapareha ay si Lea Salonga na ngayo'y isa na ring sikat na broadway performer. Sa pelikulang Captain Barbel nakasama niya ang ilan pa sa mga bigating stars noon na sina Edu Manzano, Sharon Cuneta, Nova Villa, Tonton Gutierrez, Dina Bonnevie at marami pang iba. 
Siya ang simpleng si Tengteng na umiibig kay Rose (Lea Salonga) na pamangkin ng may-ari ng karinderyang si Aling Tinay (Nova Villa). Pinsan ni Rose dito si Yoyong (Dennis Da Silva). Ang maestro naman ni Tengteng na siyang nagkaloob sa kanya ng mahiwagang barbel ay si Leroy Salvador, ang ama ni Joebel Salvador na siyang nakapareha ni Herbert sa Bagets. Ngayon isa nang pulitiko si Herbert Bautista. Matagal din siyang nagsilbing Vice Mayor ng Quezon City. 
