Ako at Royal... Natural!

Kung ikaw ay masugid na sumusubaybay ng aking blog, malamang sasabihin mong paboritong paborito ko ang series ng commercial ng Royal noon. Tama, hindi ko ikakailang ito nga ay isa sa mga pinakapaborito kong commercial.
Dahil yata sa commercial na ito, nauso ang "truth or consequence" na laro. Naaalala ko pa, noon mahal ang mga softdrinks in can. Usong-uso ang mga softdrinks na nakabote. Bihira rin ang mga malalaking Coke na nakaplastic bottle. At di tulad ngayon, di hamak na masmalalaki ang mga bote ng softdrinks noon.
Bakit ko paborito ang commercial na ito? Maraming dahilan. Una, ito ang madalas kong makita sa TV noong bata pa ako. At kahit sinong batang 80's sigurado akong sasabihin din nilang ang panahon ng kanilang kabataan ang pinakamasayang panahon ng kanilang buhay. Pangalawa, naaalala ko ang bahay namin na kinalakihan ko. Super 80's ang itsura ng bahay namin--bungalow type, may garden na maliit, may garahe at may puno sa gilid tapos 80's na 80's yung design nung bahay.
Pangatlo, tulad ng mga taong madalas atakihin ng nostalgia at hilig na hilig bumalik sa nakaraan, naaalala ko ang fashion noon. At siyempre bilang bata at dahil bata din ang mga nagsiganap sa commercial na ito, garantisadong nakarelate ako.

Ping your blog

Royal Tru Orange

link: click VIDEO to watch this tv ad. =]
coutersy of youtube Thanks to jasonmagbanua for uploading the video.

Joey!!! Sikat na sikat ang batang si Joey nung 80's dahil siya ang bida sa lahat ng tv ads ng Royal Tru Orange. Ang isa sa mga ito ay ng si Joey ay inutusan ng nanay niyang bumili ng mantika sa tindahan. Siyempre, tulad ng kahit sinong bata noong 80's, bike ang inaatupag niya kaya naman anong inis na lamang nito ng mautusan. At tulad din ng isang bata noong 80's, sumunod naman agad ito at tumungo sa tindahan. Kaya nga lang, sa di kalayuan, natanaw ni Joey ang mapang-asar na si Jake. Tulad ng mga pinoportray na bullies noon, malaki at malusog na bata si Jake at mukha nga namang buskador. Ano pa nga bang nangyari, eh nang batiin ni Jake si Joey tinanong nito kung ano ang bibilhin niya..."Ah, eh royal tru orange!" Mayamaya'y inabot kay Jake ang binibili nito--BAGOONG. Napahiya si Jake at dali dali ng umalis. Nang tanungin si Joey kung ano ang nais nitong bilhin, "Aling FLor, MANTIKA nga po!" pagmamalaking sabi ni Joey. =)
"Ako at Royal..Natural!" ang catchy melody ng tv commercial na ito. Umpisa lamang ito ng serye ng RTO commercials na pinagbibidahan ni Joey. Sa mga sumunod ay naipakilala rin ang kanyang nakababatang kapatid na si Trixie at ang kanyang first crush na si Jenny.